~Welcome~




2014年12月28日 星期日

懷孕&事後丸篇

聖誕過左啦!大家玩得開心嘅同時唔知有冇擔心呢?以下是青躍Teen’s Key 對有關懷孕同埋事後丸既問題既一啲解答:

疑問1. 我有左???

有啲人會根據唔黎m, 乳房變得豐滿, 對某些氣味/食物感到想嘔等等黎自行判斷係咪懷孕,但係以上徵狀只供參考!因為每個人體質都唔同!
想知係唔係中左,都要去診所/藥房/超級市場買驗孕棒check下

疑問2. 發生左唔安全性行為 安全套穿左點算???

就要立即行動!睇醫生/去家計會,係72小時內食緊急避孕丸(即事後丸), 愈早食效力愈高
如果發生左唔安全性行為,就記得check埋性病

如果有任何問題,歡迎隨時聯絡我地:
電話:2302 0068(24小時熱線)
wechat: Teenskey_USD
whatsapp: 5112 0274

2014年12月10日 星期三

回應有關私影模特兒被殺報導



昨日, 一名15 歲女童被殺, 我們感到十分難過及傷心, 並為受害人的家人獻上慰問及祝福, 希望他們能盡快渡過難關。

打開今天的報章, 看到一篇又一篇以負面形容詞來報導受害人, 以及參與私影及援交的青少女, 包括︰「少女貪威識食,為追逐時款電話及潮流服飾,虛榮心驅使她們做私影模特兒兼援交搵快錢....」「援交玩sm 玩出禍」「私影求快錢 終淪落援交」......根據警方資料,今次的受害人並不是性工作者, 而是私影模特兒, 兩者完全不同, 這種報導手法實在會令人誤會。另一方面,報導強調援交少女或私影模特兒貪慕虛榮, 會令人覺得她們即使在工作時遇到暴力對待, 亦是自找的。可笑的是,報導卻同時以受害人為賣點, 將受害人的照片登至極大, 特顯其少女特質, 企圖吸引讀者眼球, 謀取自己的利益。

性工作者受到暴力對待是自找的?
絕對不是﹗ 無論是性工作者, 或是私影模特兒, 他/她們賣的是服務, 不是生命。服務內容由提供者與客人一同協議, 如在服務期間, 客人提出的要求超出協議的內容, 服務提供者絕對有權終止服務。假如客人以暴力威嚇服務提供者, 企圖或嘗試逼使他/她們, 他/她是一名「罪犯」,而不是客人。同樣道理, 性工作者被殺或遇到暴力, 責任不在他/她們, 而是在犯人身上。

青躍-青少女發展網絡一直十分關注在性行業中的青少女, 並為她們提供健康、法律、情緒等的支援。我們常常會接觸到這些「援交少女」,她們大部分也不是 某些報導所說的「貪慕虛榮, 貪威識食」的「o靚妹」,而是因為學費或者生活費苦惱, 甚至因為家人財困等等很多不同的原因而以身體,或性服務賺取金錢。她們會遇到危險, 但卻因為社會對她們的標籤而不敢去報警。試幻想一下, 你是一位援交少女 你剛剛被客人拳打腳踢, 你想報警求助, 但是, 你一想到明天報章的標題可能會是「援交少女貪圖快錢終被打」, 甚至可能會被「起底」, 詳細報導你的家庭、學業、感情狀況...你還敢去報警嗎?

性工作者也是人, 也是別人的女兒, 朋友, 家人, 他/她們也與所有人一樣, 不應受到生命威脅, 不應被暴力對待。我們明白社會、傳媒都非常擔心這群於性行業的青少女或者私影模特兒, 但我們請大家也同時關注她們的人身安全,以及尊重她們的個人私隱。希望大家共同努力, 改善性工作者的生存環境, 不要再讓任何性工作者受到不必要的傷害。

2014年12月10日
青躍-青少女發展網絡

2014年11月21日 星期五

性商品體驗


平時係咪都心思思想去性用品睇下呢? 會唔會都想知道多啲性用品既種類同特點呢?
姐妹們, 機會黎啦! 只要你年滿18歲, 你就可以聯絡青躍既職員報名架啦!
好期待各位姐妹黎參與啊~~!!!

2014年11月10日 星期一

Make Your Condom! - 後篇


Make Your Condom!!!

好神奇呀...原來安全套都可以自己整, 每人一個Handmade安全套!

同埋大家都知道左好多同安全套有關既有用資訊, 例如: 點解有人用左安全套都會懷孕? 究竟問題出左係邊度? 如果發現安全套穿左咁點算?......

最後, 仲用左好多唔同方法測試安全套既堅韌度, 要出盡九牛二虎之力先可以將個套整爛。

女孩子們除左要識得Say "No"既同時, 我地仲要識得Say "Yes"! 我地可以向對方提出安全性行為, 提出使用安全套。因為女孩子都有Say!!!

下期預告:
學識安全性行為之後, 女孩子們係時候去一個有好多唔同產品既地方, 學下點樣可以得到性歡愉!

2014年11月6日 星期四

新聞速遞 - 2億劣質安全套銷全國

明報, 2014117 - 2億劣質安全套銷全國  湖南地下工場  生產期假無檢測


未經檢測的安全套實在太危險啦, 唔知佢用咩物料去製作, 好有可能個套本身已經穿左, 想話用套會安全啲, 點知搞到件事非常唔安全。所以, 大家記得要選擇一啲有信譽既安全套牌子

如果CC們想知多啲關於安全套既資訊, 歡迎同我地聯絡, 聯絡方法如下:
電話: 2302 0068 (24小時熱線)
Whatsapp: 5112 0274
Wechat: Teenskey_USD
Line: teenskey_usd


青躍(Teen's Key) - 青少女發展網絡是一個關注香港青少女的民間組織,成立於2010年,我們會為從事性服務行業的年輕女性提供不同的支援,包括:法律諮詢、性健康檢查、工作坊、輔導等。所有資料都會保密,如有需要,歡迎致電預約及查詢。

2014年11月2日 星期日

新聞速遞+CC安全小貼士

蘋果日報, 2014112 -妓女上門接客 難照應風險高

111日凌晨揭發了一宗殺害兩位外籍性工作者的案件, 這件事令我想起2008年王嘉梅一案, CC們的警覺鐘聲應要再次響起!!!

CC很多時只有自己和Ching到時鐘酒店, 萬一不幸遇到危險時, 身邊欠缺可以求救的人, 不法之徒就乘機逃去。因此, 現在有些安全小貼士想跟各位CC分享, 亦希望大家可以跟身邊的CC分享, 守望相助!!!

1.     不要上門或上車
2.     見面前, 可先聯絡一位朋友, 告知你的位置及離開時間
3.     提高警覺, 留意房間周圍環境
4.     提防偷拍
5.     小心財物
6.     保護個人資料
7.     絕對使用安全套

如果大家還有其他安全小貼士想俾其他CC知道, 大家可以send 訊息俾我地, 聯絡方法如下:

電話: 2302 0068 (24小時熱線)
Whatsapp: 5112 0274
Wechat: Teenskey_USD
Line: teenskey_usd
Facebook專頁: 青躍 Teen's Key
網誌: teengirlsupport.blogspot.com

2014年10月30日 星期四

性與生殖權系列 - Make Your Condom!



安全套都可以自己整???

係呀, 我地會運用一百年前既技術, 一齊親手做一個安全套; 同時, 我地預備左一個Girl's Talk既環節, 所有參加者會一齊玩遊戲, 一齊傾下同安全套相關既話題。

仲唔快啲黎報名參加?!!!

日期: 2014年11月6日 (星期四)
時間: 晚上6時45分至晚上9時30分
地點: 青躍辦公室 (旺角區)
對象: 青少女
人數: 10位 (先到先得)
費用: 全免

參加者可獲証書一張及贈品, 把握機會啊!!!

2014年10月13日 星期一

我的美麗日記(一):保濕凝膠及手工肥皂

秋天到啦,大家有冇覺得最近啲皮膚開始變得好乾呢?姐妹們,又係時候要滋潤下我地既肌膚啦!仲唔快啲黎報名參加!

日期:2014年10月27日 (星期一)

時間:下午4時至6時
地點:青躍辦公室 (旺角區)
名額:10位
報名方法:歡迎聯絡美金報名,電話:2302 0068 / 5112 0274 (Whatsapp)。


2014年9月18日 星期四

蘋果日報:破公屋墮胎手術室 師姐扮大肚放蛇 拘女中醫撿生銹鉗

2014/9/18
http://hk.apple.nextmedia.com/news/art/20140918/18870119

【本報訊】警方在藍田廣田邨偵破非法墮胎案,揭發註冊女中醫涉嫌與公屋女戶主合夥替人黑市墮胎,假扮懷孕三個月的女警成功放蛇,共交付5,500元手術費。前晚女警到公屋單位訛稱準備接受墮胎手術時拘捕二人。警方撿走麻醉藥、生銹鐵鉗等證物,衞生署指涉事女中醫若經定罪,會被吊銷執業資格。
記者:李偉民 翁鈺輝

被捕女中醫姓盧(62歲),在藍田開診,是政府註冊中醫,同案被捕姓李公屋女住戶(73歲),家住廣田邨廣雅樓,她自稱曾在內地行醫,警方指她們企圖使用藥物替人非法墮胎,於是以涉嫌「意圖導致墮胎而取得藥物」罪名拘捕二人。

73歲女戶主或同被控

消息稱,兩名疑犯於三年前認識,李婦報稱曾在內地行醫,雙方約於一年前合作,盧女在替病人診症時順便接墮胎生意,並安排孕婦到李家做手術,手術費兩人對分,警方正追查二人曾替多少婦女做墮胎手術。
警方早前查悉有人在廣田邨廣雅樓一單位進行非法墮胎手術,上周派出女警放蛇假扮懷孕三個月找姓盧女中醫求診,並佯稱欲墮胎。當時有人答應安排手術,並收下500元定金,女警其後獲對方通知於前晚到來做手術。
前晚,女警由女同袍陪同到達廣雅樓單位,當時姓盧女中醫師與姓李女住戶在場,有人聲稱可提供麻醉藥進行墮胎手術,並收下手術費餘款5,000元。女警表露身份拘捕二人,在單位發現麻醉藥、生銹鐵鉗、棉花及一張四呎乘三呎有特別穿窿裝置的木板手術床等證物。

有廣雅樓住客得悉鄰居將單位變成墮胎手術室,驚呼:「喺度墮胎,唔係吓嘛!」但指該單位過去一年常見年輕女子出入。街坊續稱,李婦與丈夫住上址20年,其夫年前入住老人院,數年前其子因血癌病逝,李婦另有一名約10歲孫兒。姓盧女中醫的藍田診所昨日未有開診,晚上警方准二人保釋候查。
大律師陸偉雄指,現行《醫生註冊條例》賦予註冊西醫進行終止懷孕手術權力,但中醫則未獲授權,而警方引用的「意圖導致墮胎而取得藥物」罪屬於《侵害人身罪條例》,定義是任何人非法取得毒藥,並意圖使用致婦女流產均違法,罪成最高可判入獄三年。他指今次案中女中醫及公屋住客同被捕,若他們在知情下提供手術工具及藥物進行墮胎手術,在法律上屬「夥同犯法」,或會一同被檢控。

美金@Teen's Key:對! 非法墮胎真的很危險,但更值得我們深思的是,為什麼一些青少女願意冒著生命危險去這些無牌診所進行墮胎手術呢?為什麼她們不選擇在香港合法途徑進行墮胎手術呢? 究竟她們面對著什麼困難呢?

2014年9月17日 星期三

蘋果日報:定期做子宮頸癌檢查

2014/9/17
https://www.blogger.com/blogger.g?blogID=4801414286391107254#editor/src=dashboard

保健智慧:定期做子宮頸癌檢查

子宮頸癌在香港女性最常見癌症中排第9位,每年約有400宗新症。子宮頸癌是少數可以透過及早檢測和治療,有效預防的癌症之一,適當的預防方法及定期接受子宮頸細胞檢驗,可減低患上子宮頸癌的機率。
人類乳頭瘤病毒(HPV)感染被認為是導致子宮頸癌的重要因素,要預防子宮頸癌,婦女應進行安全性行為,包括使用安全套或維持單一性伴侶,避免感染HPV。不吸煙亦可減低患病機率,接種疫苗亦可預防約七成的子宮頸癌。
早期子宮頸癌可能沒有任何病徵,較常見為不規律的陰道出血,例如在兩次經期間、在性交時或之後、在更年期後,其他如陰道排出難聞分泌、盆骨痛楚、背痛等。然而即使出現上述病徵,也不一定代表已患上子宮頸癌,應諮詢醫生。

柏氏抹片檢測癌前病變

子宮頸癌由子宮頸內不正常細胞病變開始,這些病變通常沒有任何症狀。如不及早發現和治療,病變可能會在5至10年間發展成為癌症。子宮頸普查的目的就是在未出現病徵前及早發現,子宮頸細胞檢驗(又稱柏氏抹片)是一項簡單測試,可以檢測到子宮頸癌前病變。及早發現及治療可預防約九成子宮頸癌。
衞生署建議曾經有性經驗,年齡25至64歲婦女,應該定期接受子宮頸細胞檢驗。如第一次的檢驗結果正常,應該在12個月後進行第二次檢驗。如第二次檢驗亦正常,之後需每隔3年再檢驗一次,直至65歲。由於疫苗並不能完全消除患上子宮頸癌的機率,即使已接種疫苗,仍要定期接受子宮頸細胞檢驗。
如欲知道更多資訊,可瀏覽衞生署子宮頸普查計劃網頁http://www.cervicalscreening.gov.hk
撰文:衞生署衞生防護中心監測及流行病學處
隔周三刊出

美金@Teen's Key: 因為曾經有病例是一個25歲以下的女孩子早於青春期時已有性經驗, 但幾年後發現患上子宮頸癌, 所以我們鼓勵25歲以下有性經驗的女孩子, 盡早去做子宮頸檢查, 保障自己啊!

2014年9月7日 星期日

製作班蘭冰皮月餅後篇


上星期五姐妹們都玩得好開心, 一邊食Pizza一邊整月餅, 哈哈~~其他製作班蘭冰皮月餅既方法好簡單, 大家都可以係屋企試下做。Enjoy!!

材料 (可做約12個50克的月餅)
糯米粉 55克
粘米粉 45克
澄麵粉 25克
幼砂糖 60克
牛奶 190毫升
煉奶 30毫升
菜油 25毫升
班蘭香油 2至3滴
豆蓉餡 320克 (可準備自己喜歡既餡)
糕粉 (即熟糯米粉) 2湯匙

做法
1. 糯米粉,粘米粉,澄麵粉和糖過篩,盛入一大盤中。
2. 牛奶,煉奶,班蘭汁和油拌勻。倒進上項麵粉中,拌勻。過篩,隔去粒粒。盛入淺又闊的盤中。
3. 置入鑊中,用大中火隔水蒸15至20分鐘。用筷子挑少許試吃,若沒有生粉味,即熟透。
4. 放涼至暖和,用硬膠刮或大匙羹刮出麵團。用手搓揉至軟滑。切割出每份30克小塊,滾圓。
5. 把豆蓉切割出每塊 20克,滾圓,共12個。
6. 用每份班蘭冰皮包裹豆蓉餡。滾圓,平均黏上糕粉,搖去多餘的糕粉。
7. 放入月餅模中,按壓出月餅形狀。如是者,完成其他的冰皮和餡料。
8. 放入一盒中,上面鋪上廚房紙,加蓋密封。
9. 放入雪櫃中冷藏過夜,即可享用。

參考網頁: http://www.christinesrecipes.com/2012/08/pandan-snow-skin-mooncakes.html

2014年8月25日 星期一

一試愛上,1Q30,班蘭冰皮月餅

一年一度中秋又就快到啦
年年食月餅冇新意?
不如今年試下自己落手整啦
整法簡單,皮簿餡靚
有得玩有得食,只係需要$30
製成品如下:
係咪好靚呢?仲唔快D報名一齊整?
我地預備埋晚餐比你:]
等緊你黎呀

詳情如下:
日期:5/9/2014
時間:1800-2130
地點:青躍辦公室(旺角區)
費用:$30(費用已包材料以及晚餐)
名額:10個

歡迎聯絡美金報名,或致電23020068/51120274(whatsapp)

2014年8月24日 星期日

埋黎睇埋黎揀,好靚既泰式烏頭同軟糖:)

15/8/2014
青躍又有新搞作啦


今日大廚推介:

先黎一客泰式鹽焗烏頭

材料如下: 

整法好簡單:
用粗鹽"葉一葉"個鳥頭,約一小時
然後將其他材料放入條魚入面
用200度預熱個焗爐約10分鐘,之後再焗40分鐘
咁就完成架啦~

另外有一個用黎點既泰式辣醬
將指天椒同蒜頭切粒
再加入魚露就ok架啦
指天椒同蒜頭可以按個人口味而加減

食完咁好食既烏頭後,好似仲差咁d野wor
係啦,就係甜品啦,
今日甜品就係果汁軟糖啦!
材料如下:


整法好簡單:
先把60ml既果汁倒落去
再加入15g魚膠粉加入去
然後再加入1湯匙檸檬汁
再將材料連同一湯匙粟粉加入到煲到加熱
加熱到成為液體即可以倒入模中
(注意:所有的魚膠粉必須熔掉)
最後放入雪櫃放30分鐘即可取出食用:)
係咪好簡單呢?
整既過程又好玩又好易有滿足感:)
你都不妨試下啦:)!!

製成品咁靚,係咪好想整埋一份呢?
係就記住密切留意我地個blog啦~:)

2014年8月7日 星期四

夏日甜點襲擊: 手工軟糖工作坊

昨天剛開始宣傳, 已有5個人報名, 現在尚餘一半名額, 真係手快有手慢冇啦...仲唔快啲黎報名!!! YEAH~~


2014年6月17日 星期二

急...仲未黎M…點算???

如果你懷疑自己有左BB, 你就要問問自己幾個問題!!!



1.     最近有冇性行為?

2.     係咪過左要黎M既時間都未黎呢?

3.     性行為既時候係咪冇用安全套?

4.     你平時係咪冇做避孕措施? 例如: 口服避孕丸、避孕針等等。

5.     上次性行為之後72小時內, 係咪冇食過緊急避孕藥(即俗稱:事後丸)?


如果以上5條問題你都係答""的話, 你懷孕既機會較高, 請你盡快去買驗孕棒驗孕, 或者去私家醫生診所搵醫生幫你驗孕。

如果你有相關既野想問, 或者想搵我地幫手, 歡迎你隨時聯絡我地。

青躍 Teen’s Key – 青少女發展網絡
24小時熱線電話: 2302 0068
Whatsapp: 5112 0274