急...仲未黎M…點算???

如果你懷疑自己有左BB, 你就要問問自己幾個問題!!!

1.     最近有冇性行為?

2.     係咪過左要黎M既時間都未黎呢?

3.     性行為既時候係咪冇用安全套?

4.     你平時係咪冇做避孕措施? 例如: 口服避孕丸、避孕針等等。

5.     上次性行為之後72小時內, 係咪冇食過緊急避孕藥(即俗稱:事後丸)?

如果以上5條問題你都係答"是"的話, 你懷孕既機會較高, 請你盡快去買驗孕棒驗孕, 或者去私家醫生診所搵醫生幫你驗孕。

如果你有相關既野想問, 或者想搵我地幫手, 歡迎你隨時聯絡我地。

青躍 Teen’s Key – 青少女發展網絡
24小時熱線電話: 2302 0068
Whatsapp: 5112 0274