~Welcome~




2010年1月24日 星期日

仲未黎M?﹗唔通.......

距離聖誕差唔多一個月,開始有d擔心有冇出到事?未黎月經,但係又唔係好肯定自己係咪有左bb?

通常懷孕都會令到身體起一d變化, 以下 9項就係常見既懷孕特徵︰

1. 月經遲來。

2. 基礎體溫遲遲沒有下降,覺得身體容易發熱。


吳文毅醫師表示,基礎體溫是每天早上醒來便立刻測量的體溫。


3. 對某些特殊氣味或食物感到噁心、想嘔吐。有些人在剛起床時的孕吐狀況最嚴重,有些則一點孕吐的跡象也沒有。


4. 容易疲倦、想睡覺。


5. 心情鬱悶



6. 乳房變得豐滿、乳頭突出。


7. 皮膚顏色變深。


8. 頻尿。


9. 陰道分泌物顏色變深。



當然,以上特徵只可以用作參考,因為每個人體質唔同,有d人可以唔會出現某d特徵,但係亦唔代表冇中。禁點先check 到先?﹗﹗﹗好簡單﹗只要去藥房又或者超級市場買一枝驗孕棒就得ga 喇。但假如你怕尷尬又驚撞到熟人,你都可以聯絡我地,我地有免費既驗孕棒派發。有需要既話,仲可以聯絡我地診所醫生,禁就萬無一失喇﹗



如果真係中左,禁點好?

近日,亦有女仔因為去左黑市墮胎,以致下體流血不止,仲失血成40%,差d命仔都冇…

其實家計會都會有一d支援服務俾未婚懷孕既女性,包括輔導同終止懷孕手術。相對係安全好多,而且亦唔係太貴。不過,就要有心理準備要面對輔導員,能會可能尷尬一d,但係起碼安全d ma。


香港家庭計劃指導會網頁︰

http://www.famplan.org.hk/fpahk/zh/template1.asp?style=template1.asp&content=home/mainpage.asp


家計會終止懷孕服務查詢電話︰2752-2222

268 則留言:

  1. 大概 無黎m 後幾多日就可以驗?
    同埋前個月食過 事後丸
    隔一個月無食
    會唔會影響往後既經期?

    無帶套性交 但無射
    機會率高唔高?

    巳經接近一個月未黎
    都有以上幾項.

    還有一點.
    分泌物點分變深or not?
    皮膚顏色都好難分別
    還有成日食生冷野,都會搞到想嘔
    點分佢係懷唔懷孕既徵兆..

    回覆刪除
  2. 驗孕問題︰
    一般都會建議月經沒有準時到的一星期後驗孕,
    但都要睇返你平時月經準唔準?
    因為壓力大, 休息唔夠, 仲有好多原因都會令月經延遲.
    但如果你遲左一個月, 我會建議你盡快去買枝驗孕棒驗一次先, 隔多一星期再去診所化驗, 就萬無一失喇。

    事後丸問題︰
    有可能會影響經期, 不過估估下都無謂, 驗左孕先穩陣

    無套性行為問題︰
    有機會受孕, 因為性交過程, 未射精前, 男性已有分泌物, 而分泌物中亦有精子, 要受孕一粒精子都夠, 所以無話高唔高機會

    懷孕徵兆問題︰
    有時懷疑自己懷孕都係壓力既一種, 買枝驗孕棒其實好方便, 驗左就唔使係咁諗住.

    免費驗孕與電話問︰2302 0068 (青躍)

    回覆刪除
  3. 我想問如果要終止懷孕 大約要幾$
    仲有 手續大概係點嫁?
    使唔使要D咩監護人簽名咁?

    大約幾多月內做最好?

    回覆刪除
  4. 做合法終止懷孕手術既程序, 我冇辦法答到你,
    因為唔清楚你是否懷孕, 年齡, 原因, 心理及生理狀況等等。
    我只可以俾到家計會網頁既資料俾你,
    如果你想知道多啲, 建議你快啲打俾我地(青躍︰2302 0068 二十四小時熱線, 一切資料保密), 或者其他相關機構。

    無論你決定做唔做手術, 都應該快少少同人傾一傾, 唔好再拖喇。

    以下為家計會資料︰
    終止懷孕
    http://www.famplan.org.hk/fpahk/zh/template1.asp?style=template1.asp&content=services/clinic/services.asp&nscref=18

    本會根據香港法例,為婦女提供合法終止懷孕服務,終止懷孕前後均有跟進醫療及輔導服務。本會轄下各診所均能提供終止懷孕手術諮詢,接納終止懷孕申請前,就診者最少需要到診兩次。

    本會護士在首次接見就診者時,將會詢問病歷、進行尿液驗孕,以及提供有關終止懷孕的基本資料及輔導。由於終止懷孕是一項重要決定,我們建議就診者於初診後重新慎重考慮。若就診者決定終止懷孕,本會護士將安排就診者再次約見醫生,商議及評估終止懷孕風險,並且進行身體及盆腔檢查,以確定就診者是否適合於本會進行終止懷孕。一般來說,由護士初診起計至進行終止懷孕,預計約需兩星期。

    本會只能為懷孕期在十星期內(以終止懷孕當日計算)的就診者提供終止懷孕服務。若懷孕超過十星期、健康情況不適合於本會接受終止懷孕、或因應就診者個別需要,就診者將被轉介往其他政府或私家醫院。本會只能為申請人安排轉介,至於醫院最後提供終止懷孕手術與否,則須由該院主診醫生決定。

    在香港,合法終止懷孕必須在政府指定的醫院或家計會手術室內由註冊醫生施行,無論自行或替人施行非法墮胎,都會被判監及罰款。

    回覆刪除
  5. 我同男朋友每次都做好安全措施,亦每次完事後檢查安全套無穿,呢個月我地次數好密,而家遲左兩個星期依然未黎,上星期用棒驗結果陰性,但係咪依然有懷孕可能?

    回覆刪除
    回覆
    1. 我聽到你每次同男朋友做愛都會戴安全套, 識得用安全套去避孕, Good!!! 但係你最近發現自己既經期遲左黎, 所以開始擔心自己會唔會懷孕。

      其實你上星期自行買驗孕棒既驗孕結果係陰性, 似乎你懷孕既機會較低, 如果你仍然有擔心, 你可以係對上一次做愛既兩星期後, 再自行買驗孕棒驗孕, 或者去有註冊醫生既診所驗孕確定一下, 等自己可以安心啲。

      順帶一提, 正確使用安全套既情況下, 成功避孕既機會大約係8成至9成; 如果要提升避孕既成功率, 就要同時使用安全套同避孕藥, 達致雙重保護。

      如果你再有任何相關疑問, 歡迎你隨時聯絡我地, 聯絡方法如下:
      Tel.: 2302 0068 / 5112 0274
      Whatsapp: 5112 0274
      WeChat: Teenskey_USD

      刪除
  6. 我同男朋友每次都做好安全措施,亦每次完事後檢查安全套無穿,尋晚係我m come 第5日(通常一黎m就6至7日)無帶套射左精,事後仲有少少m同白帶,會唔會有左 ,我需要食事後丸嗎?謝謝

    回覆刪除
    回覆
    1. 其實任何一次冇做安全措施既性行為都有機會令女方懷孕, 即使你正值經期期間也好, 都應該要使用安全措施, 例如: 安全套等。

      因為緊急避孕丸(俗稱: 事後丸)為醫生處方藥物, 需於性行為後72小時內服用, 愈早服用, 避孕成功率愈高。所以你要盡快去家庭醫生診所或家計會, 同醫生講你而家既狀況, 如果有需要的話, 醫生都會處方緊急避孕丸俾你, 所以唔洗太擔心。

      順帶一提, 緊急避孕丸應該係緊急惰況先服用, 唔應該當成平日常規既避孕方法。

      如果你再有任何相關疑問, 歡迎你隨時聯絡我地, 聯絡方法如下:
      Tel.: 2302 0068 / 5112 0274
      Whatsapp: 5112 0274
      WeChat: Teenskey_USD

      刪除
  7. 我同男友四月尾有帶套內射
    事後有check到個套無穿無爛
    我一向無食事後丸同其他約物
    事後隔五日有啡色分泌物 無痛 但黎左兩日就無了
    本應大概五月頭黎m 但到而家都未有
    呢段期間有試過一次標冷汗胃痛 五月頭睇過一次e生
    期間四月中尾開始日日都夜晚去跑步做体能做運動 而家上胸有少少漲 同平時要要黎m前期有d相似
    我有點擔心..

    回覆刪除
    回覆
    1. 1. 如果你好擔心自己有機會懷孕, 你可以去萬寧/屈臣氏/藥房, 買驗孕棒驗孕; 又或者直接去私家醫生診所搵醫生幫你驗孕。如果最後驗到冇懷孕的話, 就可以排除左其中一個令你未有經期既原因。

      2. 你最近會唔會都擔心緊一啲事, 例如: 讀書? 工作? 家庭? 同伴侶既關係?...等等, 令你覺得好大壓力? 因為情緒都會你其中一個因素影響女性經期既穩定性。

      3. 你平時黎M既情況係點? 係咪都會唔係好穩定? 如果係的話, 最好就去做個婦科檢查, 睇下會唔會係生理上既狀況令你經期唔準。

      如有其他相關查詢, 歡迎隨時同我地聯絡。
      青躍 Teen’s Key – 青少女發展網絡
      電話: 2302 0068
      Whatsapp: 5112 0274

      謝謝!

      美金@Teen’s Key

      刪除
  8. 你好,我同男朋友曾經係5月17同24進行過性行為 每次都有用安全套 完事後都有檢查有無漏或者破爛 一向我都係用apps 去紀錄 本來apps 話5月29會黎 但係到今日都未 6月5 驗過孕係negative 但係我無用晨尿驗 怕唔準 我應該點做?

    回覆刪除
    回覆
    1. 見到你平時都有用安全措施進行性行為, 做得好好呀! 要確定經期延遲係咪同懷孕有關, 就一定要去驗孕, 如果你已經使用過驗孕棒的話, 你可以去家庭醫生診所幫你驗多次孕, 確定一下。如果最後驗孕結果都會negative的話, 咁你就要諗下有冇其他生理上既原因而令經期延遲, 例如: 卵巢多囊症、荷爾蒙失調等等, 你平時有冇做婦科檢查? 如果排除所有生理問題, 咁你可能要諗下心理方面既原因, 因為黎經期既時間都會受到心理因素影響, 而令經期延遲, 例如: 情緒、壓力等。

      另外, 我都有用apps去記低黎經期既日子, 不過有時apps預計黎經期既時間未必可以完全準確預算到, 始終身體既狀況好難可以用一個手機程式量度到, apps只可以做參考。

      最後, 如果你再有任何晚關查詢, 可以隨時同我地聯絡。
      電話: 2302 0068 / 5112 0274
      Whatsapp: 5112 0274

      祝您身體健康、性福快樂!

      美金@Teen's Key

      刪除
  9. 你好…我同男朋友係五月二十二同二十三都發生過性行為…兩次都係有用安全套…後後有驗查個套係冇穿冇爛…原定app顯示等下次月經係六月一號…但到今日都未黎…我今日一早已經用左驗孕棒…呈現negative,但我用完先發覺自己冇套回封蓋就平放枝棒…會唔會唔準架…唔該哂

    回覆刪除
  10. 我5月27號黎m到依加都仲未黎就黎兩個星期..我同我男朋友係六月中既安全期做左三次,14號又做左一次..跟住就無做過 無帶套同無食事後藥 我呢幾日都覺得下腹有少少痛 同埋我呢幾日心情唔好 好易喊 同埋又夜訓 我用左驗孕棒顯示左一條線...點算...謝謝快回我 我好驚..

    回覆刪除
    回覆
    1. 我都見到你好擔心, 我估你呢排都一定會訓得唔係咁好。
      不過我想知多少少, 你係幾時驗孕? 驗過幾多次? 平時黎經期既pattern係點?
      如果你驗左一次的話, 我建議你再買驗孕棒check多次, 或者直接去私家醫生診所驗孕。
      如果排除左懷孕既因素, 就要睇下會唔會係精神壓力太大, 而令經期延遲。

      再有問題想問我的話, 你可以直接Whatsapp或者打電話俾我:
      電話 / Whatsapp: 5112 0274

      美金@Teen’s Key

      刪除
  11. 我5月27號黎m到依加都仲未黎就黎兩個星期..我同我男朋友係六月中既安全期做左三次,14號又做左一次..跟住就無做過 無帶套同無食事後藥 我呢幾日都覺得下腹有少少痛 同埋我呢幾日心情唔好 好易喊 同埋又夜訓 用左驗孕棒都顯示一條線...唔知點好...希望快回答我..謝謝

    回覆刪除
  12. 8月頭同男朋友發生左性行為 冇帶套 跟住佢話佢內射左小小 本來我應該大約15號黎m 但到而家都未有 之前黎m前我胸會漲痛同埋條腰會粗啲 我由10幾號開始就有呢啲咁嘅情況 不過到宜家仲未黎m 我想問我會唔會有左 同埋除左有bb仲有咩情況下會遲黎m

    回覆刪除
    回覆
    1. 我建議你立即去驗孕, 因此現在已經過左可以服用緊急避孕藥(即事後丸)既時間, 所以你現在可以選擇自行買驗孕棒驗孕, 或者直接去診所搵醫生幫你驗孕。

      如果你再有查詢, 你可以直接聯絡我, 電話: 2302 0068 / 5112 0274(Whatsapp)。

      美金@Teen's Key

      刪除
  13. 我本身應該係10幾號黎m嘅 但到而家都未黎

    8月頭同男朋友發生體性行為 冇帶套 佢內射左小小 我想問我會唔會因為咁而有左同埋有咩情況會遲黎m

    回覆刪除
    回覆
    1. 我建議你立即去驗孕, 因此現在已經過左可以服用緊急避孕藥(即事後丸)既時間, 所以你現在可以選擇自行買驗孕棒驗孕, 或者直接去診所搵醫生幫你驗孕。

      如果你再有查詢, 你可以直接聯絡我, 電話: 2302 0068 / 5112 0274(Whatsapp)。

      美金@Teen's Key

      刪除
    2. 咁有咩情況會遲黎?(詳細啲plz)

      刪除
    3. 你驗孕了沒有? 如果驗孕結果顯示沒有懷孕的話, 未黎經期既原因有好多, 因為我不知道你平日的身體狀況是怎樣, 所以很難詳情告訴你各種情況的可能性。

      或者你直接聯絡我, 讓我可以了解多啲你既狀況, 電話: 2302 0068 / 5112 0274(Whatsapp)。

      刪除
  14. 七月十八号嚟m 八月十九含完插咗兩下 宜家都未嚟 擔心...........

    回覆刪除
    回覆
    1. 沒有使用避孕檢措施的性行為, 都有可能懷孕呀。我建議你立即去驗孕, 你可以自行買驗孕棒或到診所找醫生驗。沒有使用避孕檢措施的性行為, 都有可能懷孕。

      再有問題想問我的話, 你可以直接Whatsapp或者打電話俾我:
      電話 / Whatsapp: 5112 0274

      美金@Teen’s Key

      刪除
  15. 我上個月8月14號泥m,泥完之後7日內就有性行為,有帶套既,check過個套冇穿,但做愛既時候可能動作既關係,令到我子宮位有啲痛同五舒服,但冇講出泥。做完之後既日子男友都一直都有用手指插,直到9月14號前 因為見遲左m到已經冇插,到左今日9月23日都未泥,個肚好漲,禁個子宮位又有痛,會五會谷緊m//有左bb//傷左子宮所以五泥?

    回覆刪除
  16. 同男朋友10月尾發生過關係,有全程戴套,而且無射入去,懷孕機會有幾大?11月有出血,同平時m差唔多,不過成12日都仲有,會唔會系假m?驗孕過幾次都無,但又唔知準唔準
    究竟有無機會系有左??

    回覆刪除
  17. Hello, 你有做安全措施,使用安全套,懷孕機會很微。而且你之後也驗過幾次孕,結果都顯示沒有,即表示你沒有懷孕,所以你不用太擔心呀!

    安全套係好有效的避孕方法,你今次有用就做得好好,之後都記得用呀。如果再有不舒適的話應去睇醫生。

    至於點解你仲未黎M, 就要睇下你平時經期準唔準嫁? 之前有冇試過咁樣既情況? 本身有冇任何婦科病? 如果能夠排除曬所有生理上既情況, 咁就有可能係你既情緒同壓力影響左經期既時間, 咁你就要放鬆啲, 做下運動, 充足睡眠, 均衡飲食, 經期應該就會黎架啦。

    再有問題想同我傾的話, 你可以直接Whatsapp或者打電話俾我:
    電話 / Whatsapp: 6172 8113。

    Cindy@Teen’s Key

    回覆刪除
  18. 我同女朋友11月頭 佢剛剛經期完第1日 發生過性行為 當時有用安全套 但女朋友唔小心手指hi到我d精子 之後又摸向自己私處 事後女朋友驚 所以食左事後避孕藥 食完事後避孕丸5日後佢又有流血 姐係經期完第5日 大約流左3日 流量好小 直到12月 佢本應來經的日子 就開始流啡啡色的分泌物 而起1號女朋友都有驗孕 係陰性 咁女朋友係咪身體有事 好擔心佢

    回覆刪除
  19. 我9月21號黎完m 22號被內射兩次 翌日即刻去家計會食了事後藥
    直至而家都未黎m 一共係醫院驗左3次尿 都話我無bb 但係我仲未黎 唔知我究竟係咪真係中左?...

    回覆刪除
  20. 如果你服用事後丸後, 去驗孕確定一下自己有冇懷孕, 呢個做法係非常正確。而你已經到醫院驗左孕3次, 結果都係呈陰性的話, 其實已經肯定你冇懷孕, 所以你唔洗咁擔心。
    至於點解你仲未黎M, 可能會係你既情緒太緊張, 令到經期延遲; 另外, 可能係因為事後丸係高劑量既荷爾蒙藥, 會影響日後經期唔規律。如果你好擔心的話, 我建議你可以去睇下婦科。
    最後, 如果你未有懷孕既打算的話, 你應該要盡快選擇合你既避孕方法, 例如: 安全套、避孕丸、避孕針等等。有需要的話, 你可以直接聯絡我地既職員查詢, 電話: 2302 0068 / Whatsapp: 5112 0274。

    回覆刪除
  21. hello
    我驗左孕發現自己有左,但又唔可以比屋企人知.我可以點做

    回覆刪除
    回覆
    1. Hello, 你可唔可以講多啲俾我地知呀?例如:你有冇考慮BB的去留, 點解唔可以俾屋企人知呀等等。宜家都唔太清楚你既情況,所以暫時都未能夠好詳細咁答到你。
      你可以打俾我地(青躍︰2302 0068 二十四小時熱線)或者Whatsapp: 5112 0274 / WeChat: Teenskey_USD 聯絡我地 , 一切資料都會保密。

      刪除
  22. 你好,我本身經期都準 大概14 15號黎,但上個月忽然早左好多 5號黎左…… 今個月同男友 7號 13號都有性行為 全程使用安全套,但至今都未有月經…… 有d擔心,唔知係咪關功課、生活壓力事…… 我應該點做?

    回覆刪除
  23. 您好! 見你提到性行為既時候都有使用安全套, 非常好呀, 要Keep住~ 至於點解仲未黎經期, 應該同懷孕未必有關, 但可能正如你所講, 因為學期尾, 要應付功課同測驗或者其他生活既野令你有壓力, 而影響你既經期。如果你真係好擔心, 我建議你去買驗孕棒自行驗孕, 咁樣可能你會放心啲。
    美金@青躍 Teen's Key

    回覆刪除
    回覆
    1. 我18號自行買過驗孕棒驗孕係陰性,但依家都未有月經黎?係咪應該去睇婦科?或者一定限期後先去?

      刪除
  24. 你好,我經期都晤知叫晤叫準…無記錄底,我印象中好開頭係月頭會嚟嘅,跟住又月中,再月尾,又月中嚟過,每次都嚟足7日。好似喺10月15日嚟過,10月時嚟完三日後有發生關係,無戴套…佢死都晤肯戴,冇內射。但11月14日嚟左m 之後,喺11月29日同男友又發生關係 佢又晤肯戴安全套 但佢好肯定冇內射,至今仍未有月經…點算呀……好無助…我可以點做…

    回覆刪除
    回覆
    1. 你喺11月29日同男友發生關係,雖然沒有內射,但冇戴套始終都有可能令你懷孕, 因為男性既分泌物都有少量精子,一滴都已經有好多粒精子。但係宜家已經過左可以服用緊急避孕藥(即事後丸)既時間, 我地會建議你去買驗孕棒驗孕, 或者直接去診所搵醫生幫你驗孕。

      真係快啲驗呀, 早啲知就唔使驚咁耐, 同埋有定冇都好, 可以早啲決定。你諗一諗, 有需要就再搵我地喇。電話: 2302 0068 (24小時熱線) / Whatsapp: 5112 0274 / WeChat: Teenskey_USD ,一切資料都會保密。

      刪除
  25. 你好 我想問假如同女朋友喺12月26號朝早冇戴套 只插咗幾下冇射到 之後女朋友27號下午去藥房買咗安立婷食 咁樣有bb可能性高唔高??

    女朋友黎m有少少唔準 11月頭同11月尾都黎咗m 之後一直到而家都仲未有...

    回覆刪除
    回覆
    1. Hello,你同你女朋友係12月26日進行性行為雖然沒有內射,但冇戴套始終都可能會懷孕,因為男性既分泌物都有少量精子,並令女性懷孕,我建議你女朋友現在都可以驗左孕先。喺唔安全性行為後既72小時內食緊急避孕丸(即事後丸)係正確既,而到宜家都未黎m,可能情緒太緊張,令到經期延遲;另外,亦可能係因為事後丸係高劑量既荷爾蒙藥,影響日後經期唔規律。而且事後丸係醫生處方既藥物,需要睇醫生,等醫生處方;如果自行係藥房買係違法。如果一個星期後都未黎或仲擔心,都可以去睇下婦科。最後如果未有懷孕既打算的話,你地應該要盡快選擇合你地既避孕方法, 例如: 安全套、避孕丸、避孕針等等。
      如果再有問題,你可以打俾我地,電話: 2302 0068 (24小時熱線) / Whatsapp: 5112 0274 / WeChat: Teenskey_USD ,一切資料都會保密。

      刪除
  26. Hi,我上次30/11號來,之後聖誕期間25-28/12去了旅遊浸溫泉,期間的性行為都安全,m到衣家都未來。想問浸溫泉會否令m遲來?(平時都準時),衣家遲左6日,是否要驗下。

    回覆刪除
    回覆
    1. Hihi, 你每次都進行安全性行為(即正確地使用安全套、安全套冇穿等)係做得好好呀!而且進行安全性行為,懷孕既機會很低。而經期方面,情緒及壓力等因素都會影響黎唔黎m,所以你可以放鬆啲、唔好太擔心住,至於溫泉呢一個因素… 我地係醫療方面既知識都未能好清楚咁答到你。如果你仲有啲擔心或者有唔舒服的話,你可以去藥房/超級市場買驗孕棒或診所睇醫生。
      如果再有問題,你可以打俾我地,電話: 2302 0068 (24小時熱線) / Whatsapp: 5112 0274 / WeChat: Teenskey_USD ,一切資料都會保密。

      刪除
    2. 多謝你的意見,希望快d來啦 ><

      刪除
  27. 如果可以都快啲驗左先喇, 等多一日驚多一日, 我地啲度都有免費既驗孕棒, 有需要就聯絡我地喇

    回覆刪除
    回覆
    1. 多謝你。。。我行過萬寧同惠康都唔見有驗孕棒,又唔想問人。。。><
      有無話邊個牌子准d同出邊買幾錢到

      刪除
    2. 一般萬寧, 屈臣氐都會有嫁喎, 都會放出黎。你試下再搵下, 五十幾蚊都有一枝, 應該隻隻牌子都差唔多。快手啲喇~ 我地office 喺旺角, 你經過黎攞一枝都得, (511202742), 你whatsapp 我, 我俾個地址你。

      刪除
    3. 多謝你啊,尋晚來左m啦
      好彩唔系個0.1%中
      多謝你!

      刪除
    4. 好好呀, 以後都繼續採助安全性行為措拖呀~

      刪除
  28. 11月4號黎m但6號同男朋友做但有戴安全套。。但突然甩左套。。之後12月3號有黎m。。但同平時一樣正常。。。。但遲左4日仲未黎m。。但下腹都痛。。胃都痛。。好驚有左。。

    回覆刪除
    回覆
    1. Hi!你12月3日有黎m,但係唔係今個月遲左4日未黎m呀?我建議你宜家都驗孕先,之後可以再揾我地了解番你個情況。如果你驗孕有困難的話,例如唔知點用驗孕棒,都可以聯絡我地。你下腹痛、胃痛都有可能係因為緊張,而情緒及壓力亦會影響經期,你可以放鬆啲先,如果再唔舒服都可以去睇醫生。最後都希望你再聯絡我地,咁我地就可以多啲了解到你既情況,從而更容易解答到你既疑問,我地既電話: 2302 0068 (24小時熱線) / Whatsapp: 5112 0274 / WeChat: Teenskey_USD ,一切資料都會保密。

      刪除
  29. 你好 我係31號同男友發生關係 而佢內射,
    隔日即去診所買左事後藥 但服用第二次後2-3個鐘後嘔左 無補食 到左今日依然無m黎 所以我好驚好擔心會否懷孕 我period一向唔準 有時幾個月先一次 如果我想驗孕 幾時去買棒驗先驗到呢?thank you

    回覆刪除
    回覆
    1. 作者已經移除這則留言。

      刪除
    2. 你好呀,見到你話隔日食左事後丸嘔左,咁樣事後丸嘅效力就有可能無左。而喺唔安全性行為後大概一星期都可以驗孕,我建議你宜家快啲驗一次先,你可以去藥房,萬寧或屈臣氏買驗孕棒或直接去診所。另外,我地都有免費驗孕棒,如果需要,或者唔識用,都可以打俾我地,或者what's app 5112 0274詢問

      刪除
  30. 你好
    我上次嚟m係11月22日,11月29完。
    29號個日我同男友隔著內褲磨擦,而且我有塊護墊。
    12月23號我地冇隔著底底,不過只係磨擦表面,沒有磨擦個頭。
    2次都冇射,不過我仲未嚟m,仲嚟左2之白帶。
    6日之後我開始m痛。1月4號我買左棒棒驗係冇,之後1月5號去左醫生到驗都冇。如果係23號個日中,6日後咁快就會m痛,胃唔舒服?而且我13日就去驗會唔準??

    回覆刪除
    回覆
    1. 聽你既情況, 喺外面磨擦, 受孕基會唔高。但係為左安全起見, 都建議你驗多一次。如果你有其他唔舒服, 建議你去睇醫生確認。

      刪除
    2. 懷孕嘅徵狀,例如腹痛,胃不適有可能係同房後6天咁早發生??

      刪除
    3. 機會唔大,但係好難準備肯定到,除非驗孕。你離上次問問題都隔左兩日,去驗左未呀? 唔好靠啲徵狀喇,就算係無懷孕,你都會成日諗住,都人係驗左最心安。

      刪除
  31. 你好
    我上次黎m係12月4日~12月8日 之後12月30日同男友發生關係 有用套 事後有檢查安全套係無穿 1月9日下面有小小血 但啲血比平時m come啲血好吾同 好淺色 好小
    會唔會係假m?
    我會吾會懷孕?

    回覆刪除
    回覆
    1. 其實有正確使用安全套進行性行為,成功避孕率都相當高。你都算幾小心。至於月經的流量同頻色深淺, 相信沒有太大關係, 但係穩陣一啲都係去醫生度睇下好啲。如果你仲係好擔心, 會建議你都驗左孕先。

      刪除
  32. 我平均週期係31日,平均經期係8日,有時迟幾日黎!我上次黎係23/12,今个月5号男朋友用手指插左幾下我私处。之後,佢用个度兩次,插左幾下我的私处!检查过佢冇任何分泌物及精子!佢話佢冇high。
    现加排左卵,个胸時痛時唔痛,有時尿急,唔知係唔係尿道炎,尿道炎經常會有!
    D症状有d像怀孕,好怕!

    回覆刪除
    回覆
    1. 您好呀~ 其實女性經期前都可能會出現到妳所提及到既症狀, 如果你懷疑自己懷孕,建議你盡快到葯房買驗孕棒或者去診所搵醫生幫你驗孕, 係唔安全性行為後大概一個星期後都可以驗孕。
      另外,我地都有免費驗棒,如果需要或者唔識用,都可以隨時聯絡我地查詢, 電話: 2302 0068 / Whatsapp: 5112 0274。

      刪除
  33. 作者已經移除這則留言。

    回覆刪除
  34. 我上個月黎係12月14號 對上幾個月都係平均28日就黎 1月10號我同我男朋友做左兩次都無帶套不過外射 正常應該1月11號黎 不過到今日都仲未黎 但係胸有脹同腹痛 不過胸一時痛一時唔痛 腹都係好輕微 完全唔似平時黎m前既徵狀 尋日驗左無bb姐係唔關上個月事(上個月做有帶套同check過冇穿) 點解今次既徵狀咁奇怪?有冇機會宮外孕?定係關壓力問題?

    回覆刪除
  35. 你好, 即使體外射精, 仍然有可能在插入過程有少量精液進入陰道人, 雖然很少, 但都有可能令你懷孕。你講既徵症好難用黎評估你係咪有懷孕或者有咩問題, 因為心理因素都對月經前既身體反影有影響。另外, 假如懷孕, 一般於性行為後7-10日都可以用驗孕棒驗出, 如果都擔心, 可以去普通診所驗孕。如果你對驗孕有問題, 你可以聯絡我地︰電話: 2302 0068 / Whatsapp: 5112 0274

    回覆刪除
  36. 請問食左事後丸系咪一定會黎m架

    回覆刪除
    回覆
    1. 您好! 緊急避孕藥(即俗稱事後丸), 因為每個人的身體狀況都不一樣, 女孩子服用事後丸後都不一定會黎M, 有些女孩子過幾日便會黎M, 有些則不會。所以服務事後丸後一星期左右, 最好就再進行一次驗孕, 確定一下有沒有懷孕。
      如果你再有其他相關的問題, 可以直接聯絡我, 電話: 23020068 / Whatsapp: 51120274。

      刪除
    2. 今日食左事後丸之後下腹有啲痛胸都有啲硬,系咪黎m既先兆丫

      刪除
  37. 你好呀﹗你係唔係喺發生唔安全性行為後72 小時食事後丸?而且事後丸係高劑量既避孕藥, 會影響力經期, 所以好難答到你係唔係黎m 既先兆, 你再有唔舒服話都可以睇醫生。如果再有問題, 歡迎再搵我地

    回覆刪除
  38. 我係1月16號做過一次無戴套外射咗係個肚但因為自己都驚驚地所以係24小時內食咗隻叫Levonorgestrel嘅事後丸 個子宮有時會有少少痛好似嚟m前咁 我上一次嚟m嘅時候係12月25號 我平時週期唔算太準有時27日有時25日但我計盡佢28日嚟姐係應該今日到聽日咁上下嚟但我仲未嚟所以好驚會有咗 其實會唔會係隻事後丸影響到定點?我見d人都係通常7日內就嚟 今次係我第一次食事後丸 不過我係安全期期間做又外射仲係72小時內食咗事後丸其實中嘅機會大唔大?因為我係英國讀緊書如果真係有咗唔知點算

    回覆刪除
  39. 你好呀, 首先體外外射,始''終會有少許精液有機會進入陰道。所以即使是在安全期進行唔安全性行為,也非100%無事,所以建議每次性行為時都使用安全套,以防萬一。
    你曾經係發生唔安全性行為後72小時食事後丸,而事後丸係高劑量嘅避孕藥,會影響經期,所以遲左都係正常。
    如果你好擔心有BB, 建議你買枝驗孕棒驗一驗。同埋為左避免再發生同樣事情, 建議你下次都採取避孕方法, 例如食避孕丸, 使用安全套。
    如果你再有問題, 就再搵我喇。

    回覆刪除
    回覆
    1. 多數你嘅回覆但係我想問通常經期會遲幾多同遲幾多嘅時候要睇醫生呢?

      刪除
    2. 通常食左事後丸幾日後就會黎M, 但係都有人會冇, 因為緊張等心理因素都會有影響。所以, 你喺1月16 號發生性行為, 其實喺7-10 日後就可以驗孕, 如果冇BB既話, 就放鬆一啲等待。

      刪除
  40. 你好,我15號同男友有帶套性行為,而且係外射。之後唔放心,23小時後就去家計會食左隻叫Ella的事後丸,明明聽人講食事後會好快m到,但我食完事後就快兩星期都無m到,我會唔會有左?

    回覆刪除
    回覆
    1. 您好, 見到你講同男朋友有用安全套進行性行為, 而且又食埋緊急避孕丸(即事後丸), 其實
      懷孕機會較低, 而事後丸係屬於高劑量既荷爾蒙, 會影響黎經期既規律, 所以事後丸係唔可以作長期避孕。仲未黎M既問題, 有可能係食左事後丸而影響經期, 亦有可以係情緒壓力都會影響經期, 如果擔心既話就最好去買驗孕棒驗下。

      刪除
  41. 你好丫, 我上個月12月20号完經, 12月24号就同男朋友發生關係,無套內射左,我到依家仲未黎經。但有谷經既感覺,但始終好擔心,會吾會有事架。

    回覆刪除
    回覆
    1. halo , 你好。由於你既月經已經遲左, 建議你盡快去驗孕。你可以去萬寧屈臣氏買驗孕棒, 又或者可以直接去普通門診驗。有關驗孕既嘢, 如果你再想知多啲, 又或者搵免費既驗孕, 可以直接聯絡我地。電話: 23020068 / Whatsapp: 51120274。

      刪除
  42. 你好!我係係16-22黎m,23號姐係黎m後一日同男友有邊緣性行為,我地冇著內褲,佢用佢jj磨擦我個到,但冇入過去同射既感覺都冇,而係大家都有分泌。
    後來佢對住我打飛機射左落我個肚同腳個到,佢射完我就掂左啲精幾下,再用水沖手,之後已經即刻用皂液沖涼同用手洗下面,加上我地全程都係企係到,而且我仲係處女。
    但我呢一兩日都有淺啡色分泌液,啲人話係懷孕徵狀黎,我真係好驚會有左,但我又係處又有射精係陰部入面同旁邊…我究竟會唔會有左?

    回覆刪除
  43. 其實我地唔太明白你既意思, 你話冇插入但係後面又話有射精喺陰部入面, 所以有啲唔明白。你介唔介意直接whatsapp :51120274 或者wechat: Teenksey_USD 我地?

    回覆刪除
  44. 你好

    我2月6日第一日黎M

    之後16 號 24號 25號 都有性行為

    每一次都會全程戴套 而且事後會將安全套注入放上紙巾檢查沒有穿或流水 每一次安全套沒有問題

    去到28號 有親密接觸 我用有前列腺液既手去接觸陰道口 但當日

    沒有性交 沒有射精

    我係3月4日用12.5 ml 既驗孕棒去CHECK 顯然沒有懷孕 我今日(3月6日應該黎M但仲未有)

    請問我會唔會有左?

    回覆刪除
    回覆
    1. 月經有陣時遲左到未必一定是懷孕, 還有很多原因, 包括身體不適或者心理因素都有影響。以你的情況, 有用安全措施, 驗孕結果是negative, 懷孕機會不大。建議你放鬆心情, 休息一兩天。如果月經仍然未到, 才需要到診所驗孕或做詳細檢查。
      如果你再想知多啲, 又或者搵免費既驗孕, 可以直接聯絡我地。電話: 23020068 / Whatsapp: 51120274。

      刪除
  45. 女友一向經期都唔準,上月2月2號黎m,有做過冇套但冇內射,但13號都未黎,同埋乳頭有野分泌出黎
    大唔大機會係有左?

    回覆刪除
    回覆
    1. 你女朋友驗左孕未?一日未驗都答唔到你係唔係有左, 建議你如果月經遲左, 可以去萬寧/屈臣氏買枝驗孕棒驗, 如果你再想知多啲, 又或者搵免費既驗孕, 可以直接聯絡我地。電話: 23020068 / Whatsapp: 51120274。

      刪除
  46. 上個月同女朋友做過,有做過冇套但冇內射(外射),佢平時都有食開皮膚敏感藥,同埋佢最近都心情差(佢話系因為皮膚敏感同埋冇黎m所以搞到甘樣),佢本身系7號8號左右就黎,但系到依加都系味有,只系得個痛字,我想問下系唔系有左。
    如果有左又可以點樣唔會影響學業又暗地裹落左個胎去。

    回覆刪除
    回覆
    1. 如果冇用安全套, 亦冇用其他用其他避孕方法, 就算外射都有可能懷孕。但係遲左月經又未必一定有左, 都要驗左孕先知,你可以去萬寧/屈臣氏買枝驗孕棒驗, 如果你再想知多啲, 又或者搵免費既驗孕, 可以直接聯絡我地。
      唔係好明你"暗地裏" 既意思係咩, 我諗首要考慮都係你女朋友既身體健康, 所以建議你考慮返香港合法提供安全墮胎手術既服務,如果真係懷孕, 又考慮墮胎, 香港家計會都有相關服務。

      如果想要多啲資訊, 可以聯絡電話: 23020068 / Whatsapp: 51120274。

      刪除
    2. 暗地裹指有冇方法唔洗經過家長同意就墮胎,同埋唔洗影響上課日子。
      我知道要考慮女朋友既身體,因為佢比一般人系多左啲疾病,不過都系關於皮膚方面。
      同埋想知道如果系月經前一個星期性行為,大唔大機會懷孕?
      本公司系唔系有提供驗孕棒,因為我地都怕羞,唔夠膽買。同埋真系唔知點面對好。。

      刪除
    3. 你唔好諗咁多住喇, 你盡快同女朋友去我地中心驗左孕先喇。你whatsapp 我地51120274, 我再send 個地址俾你, 同你約時間。

      刪除
    4. 我只系單方面甘樣諗,我平日問佢驚唔驚,佢都話正常,因為佢有時都會遅黎個啲,叫我唔好諗甘多。
      我唔知點開口好。。

      刪除
    5. 咁你不如同佢傾下, 如果再遲多xx日不如就驗一下喇。你女朋友講得啱, 因為有時好多嘢都會影響月經遲黎, 所以你都唔使太擔心。反而要注意返以後會唔會揀邊種避孕方法, 安全套係其中一種, 仲有避孕藥, 避孕針等等, 如果唔用的話, 每個月驚一次都幾陰公。

      刪除
    6. 如不介意你可以方便在whatapps中傾嗎?
      我會同佢傾下,因為愈遅既話好似愈麻煩。
      好多時候唔系唔想用安全套,而系唔知系邊到買,因為我地仲系青少年,驚會比人望黎望去。
      希望今次只系遅黎啦,因為真系好驚。
      如果今個月都唔黎既話系唔系姐系等於有左?

      刪除
    7. 好的, 我們正在休假, 你先whatsapp 留低你電話, 我地星期一會回覆你

      刪除
  47. 女朋友上個月21號黎左m,之後我地23號有性行為
    但係期間只係大家都只係用手同口,冇插入,更加冇內射
    不過有用陰莖係下體(冇入,大概係陰唇個個位)互磨左幾下,冇精但應該有少少分泌物,冇射到係個陰唇or陰道口
    但係女朋友到今日都仲未黎m
    佢話由上個月23之後個肚一路都有脹住脹住嘅感覺
    上網亦都睇過唔少post關於懷孕徵兆,佢除左未黎m,其他一樣都冇
    請問咁樣會唔會有機會係有左bb
    女朋友經期一路都唔準,但係永遠都未試過遲黎,只有早黎,甚至9日黎一次都試過
    大家都好擔心,有bb個機會大唔大,謝謝

    回覆刪除
    回覆
    1. Hello! 分泌物入面係有精子嘅成份架,同埋會保護住精子,所以即使暴露起空氣入面,都要一段時間先會死亡。
      雖然你嘅女朋友除咗無黎m就無其他徵狀,但我建議佢盡快去買驗孕棒或者黎我地到驗孕,咁就可以比較安心。最好起8-10日後再驗第二次,咁就可以準確:)
      可以聯絡電話: 23020068 / Whatsapp: 51120274。

      刪除
  48. 女朋友上個月21號左右黎左M 然後我地上個月23號就有發生左性行為
    但係期間冇插亦都冇內射 只係用手同口
    不過就有用下體係陰唇位置互相磨擦左幾下
    下體冇精係上面,但係應該有少量嘅分泌物
    上網睇過唔少POST都話分泌物上會有精子
    但係如果冇射入去,精子暴露係空會都會死亡?
    雖然女朋友period一路都唔係好準,經常都會早黎
    甚至試過岩岩黎完9日之後就黎,但係好少話會遲黎
    今日已經係上次黎m之後第30日
    佢自上個月23號開始就已經話個肚有d脹住脹住
    今日話有少少m痛,但係冇黎m
    大家都好驚會有bb
    呢段期間大家都有上網睇唔少初期懷孕嘅徵兆
    佢除左未黎m,其他都冇出現
    請問呢個case,有bb嘅機會大唔大
    萬一真係有左,會唔會有d可以唔須要家長同意嘅終止懷孕途徑
    因為此終大家都知道大家唔會有能力可以養到個b 同埋唔希望比屋企人知道
    求盡快解答 謝謝

    回覆刪除
    回覆
    1. 如果你冇插入的話, 懷孕既機會唔太大, 不過我唔肯定你係唔係每一次都冇插入, 或者有冇get 錯你既意思, 所以建議你都係盡快買驗孕棒驗左先, 因為靠徵狀係唔可靠。至於終止懷孕手術, 就要睇當時人夠唔夠18 歲, 如果唔夠, 大部分手術都需要家長同意。

      刪除
  49. 3月2號岩岩黎完 射左入面 但之後有血流出
    個apps話3月30號會黎
    但宜家都未黎
    白帶多左
    胸有漲左
    我想問我會唔會有左?

    回覆刪除
    回覆
    1. 如果之前發生過唔安全性行為, 即係冇用安全套或者其他避孕措施, 盲要係性行為後7-10日內驗孕, 14日後都要再驗孕一次確定一下。你可以自行去藥房/個人護理店買驗子棒, 或者去診所搵醫生幫你驗孕, 或者可以聯絡我地預約免費驗孕服務。
      如果你有其他野想問, 你可以直接聯絡我地, 電話:2302 0068 或者 Whatsapp: 5112 0274 / 6172 8113。

      刪除
  50. 我上個月9號黎m 平時週期28-30日到
    上個月18號有做到 佢反轉左個套帶 之後反返轉帶返話冇事 內射,同埋有次有帶套完果陣外射係個肚到
    呢幾日個胸漲同埋下腹痛
    好驚係佢反轉個套有精子入左去(18果日我應該排卵日 見到好多蛋清分泌物)。。。
    自己唔夠膽去買驗孕棒驗。。點算

    回覆刪除
    回覆
    1. 唔使咁擔心住,快啲買左驗孕棒先喇,萬寧屈臣氏都有,都好平常啫,搭埋一堆嘢買唔係好覺既。如果你都係怕,星期三都可以上黎我地旺角辦公室囉

      刪除
  51. 我2月24號嚟m係2月28號發生咗性行為 頭一次我覺得佢射咗少少係裏面但24小時內即刻食咗事後丸 我1月嘅時候都已經食過一次 m嚟到3月2號左右就停咗 但我到而家仲未嚟m 其間尿道炎食過抗生素(應該唔會有影響) 但琴日開始乳房脹痛 咁我有咗嘅機會大唔大?因為我係英國讀書有咗就好麻煩 我應唔應該等多幾日先去驗孕?同埋懷孕初期嘅徵狀又係點架呢?唔該哂。

    回覆刪除
    回覆
    1. 如果你食左事後丸懷孕機會又唔大,反而有可能食完事後之後搞亂左你經期。你可以等多幾日先去驗,但係如果個個月都要驚,你會唔會考慮用返安全套做避孕方法? 或者避孕丸都得,但係就預防唔到性病。

      刪除
  52. 我平時都好準時黎m 多數28日到 上個月遲左少少變左30日先黎 係3月8號 之後係21號有同男朋友性行為 一開始無帶 後黎有帶套 係套入面射無穿無爛 但22號夜晚突然黎d血 我男朋友話可能係佢整損 但我堅持唔係 因為啡啡地 同平時岩岩開始黎個d好似 但黎左一日同第二朝有少少 又無番 之後到今個月都未黎 尋日用左驗孕棒 但唔係晨尿check係無事 但都好驚 上網話好多早有左都會check到係無 因為我經期都幾準 所以真係好擔心 想問究竟應該點做 唔該哂

    回覆刪除
    回覆
    1. 驗孕棒正確使用的話其實都幾準, 而且你上一次性行為係21號, 如果懷孕應該都check 到。如果你太擔心就驗多一次或者直接去診所驗喇。

      刪除
  53. 我唔記得我上次幾時黎嚕,但好似3月未黎,驗過2次,其中一次係早幾日,都係陰性既,咁係咪即係冇事?

    回覆刪除
    回覆
    1. 如果正確使用, 就應該冇咩問題既, 但係你上一次性行為係幾時?都有可能係太早, 所以未驗到喎_

      刪除
  54. 早幾日都有,今日再驗都係陰性

    回覆刪除
    回覆
    1. 咁你不如過多一個星期先再驗多一次,或者直接到診所驗,因為有可能太早未驗到。

      刪除
  55. 我平時1號黎m,都幾穩定,上個月中同男朋友做完之後,無套內射,上網睇過係安全期,當晚之後,下體又出血,第一日係深啡色,第二日就變返鮮紅色,過左三日又冇出血,但分泌物多左,其實發生咩事?同埋會吾會有左?我睇過好多懷孕初期既症狀我都吾中

    回覆刪除
    回覆
    1. 如果你唔肯定係咪月經, 都應該驗一驗, 係最安全既做法,始終安全期避孕既成功率都好有保留。

      刪除
  56. 我同男友有次事後發覺避孕套穿咗,之後因為太驚所以都即日去左買事後藥食,但之後又再有發生性行為但冇帶套,但係係外射,所以冇食事後藥,宜家遲左一日黎m,仲有成日覺得尿急但又冇尿屙既情況,所以我都有啲擔心,想問下可以點做,唔該晒

    回覆刪除
    回覆
    1. 要睇下你離上一次唔安全性行為既時間係幾耐, 如果隔7-10 日都應該可以CHECK 到。你可以做既就係去萬寧買一枝驗孕棒, 驗一驗自己係咪有左。同埋都要諗返點解個套會穿, 同埋有時會唔戴套, 咁樣既話你可能每個月都要驚一次, 好唔抵﹗

      刪除
  57. 本身經期並唔準, 甚至一次比一次遲, 但今次遲咗一個月, 所以開始擔心. 每次性交都有帶套亦有檢查有冇穿,對上一次性交大約2星期前。不過我冇任何經期徵兆,但哩一個月情緒好唔定壓力大,未知係咪有關。Thanks

    回覆刪除
    回覆
    1. 如果你每一次都有使用安全套, 懷孕既機會率又唔係咁大, 好似你咁講, 壓力都有影響既, 特別係你經期本身都唔準。如果你都係擔心, 可以首先驗孕, 如果都冇的話, 可能要休息多啲, 或者去醫生度做檢查, 睇下點解會遲黎經

      刪除
  58. 我想問下 我上個月大約4月9日同女朋友發生過性行為 有次無帶套係佢出面磨左幾下 有可能入左小小 但佢今個月都仲未黎m 佢大約再前一個月食過事後丸黎 令佢個個月唔知點解黎左兩次m 會唔會係今個月考試同功課關係令佢遲左好多都未黎 有d擔心

    回覆刪除
    回覆
    1. 你好, 事後丸的確會令到月經亂左, 所以唔太建議用黎做恆常既避孕方法。如果你同女朋友都咁擔心, 最好快啲去驗左孕喇。至於點解每個月都黎兩次m, 同心理上緊張都有關係, 但係最好都係去醫生度檢查一下。

      刪除
  59. 我上個月4月18日有過第一次性行為,嗰時我黎緊M,男朋友無帶安全套,但係外射,仲要係chok左幾下先射。係5月2日,大約係排卵期過左1日,我地有過第二次性行為,都係外射,時候12個鐘內就食左緊急避孕丸,係單次既高劑量黃體素。
    我本身既經期都幾準,本身應該今日5月15日黎M,但而家都仲未黎,而且我由食左事後丸開始就一直都有白帶,直到而家。
    請問我會唔會有左?

    回覆刪除
    回覆
    1. 你食左事後丸,係會引至經期混亂, 如果都未黎m, 建議你去買枝驗孕棒驗。雖然你有食事後丸, 但係提提你, 體外射精同安全期都唔係好好既避孕方法, 事後丸會令到你經期亂左, 所以其實你5月2日嗰次既排卵期都未必係正確。建議你用返安全套, 或者其他避孕方法, 如果唔係每個月驚一次都唔係辦法。

      你可以自行去藥房/個人護理店買驗子棒, 或者去診所搵醫生幫你驗孕, 或者可以聯絡我地預約免費驗孕服務。
      如果你有其他野想問, 你可以直接聯絡我地, 電話:2302 0068 或者 Whatsapp: 5112 0274 / 6172 8113。

      刪除
  60. 你好,我5月3號同10號同男友發生過性行為,兩次都有帶套,對上嗰次係4月21號第一日嚟m,好似5-6日就完左,一向我嘅經期由3x-4x日不等,到今日都未m到,我一直好擔心會唔會有左……呢兩星期日日都莫名奇妙唔太開心,第一因學業,壓力大,呢排都瞓得唔太好,又擔心唔知會唔會有左……可以點算

    回覆刪除
    回覆
    1. Hello, 你每次都有正確地使用安全套, 進行安全性行為已經可以好有效咁避孕。如果你擔心都可以係性行為後7或14日後驗孕,啫話你宜家可以驗, 如果唔想去診所, 你可以係藥房或個人護理產品連鎖店買驗孕棒, 我地亦有免費既驗孕棒派發。至於你到宜家都未黎M, 情緒壓力都有機會影響, 你放鬆下心情, 調整返作息時間都有幫助。
      如果你再有任何相關疑問, 歡迎你隨時聯絡我地, 聯絡方法如下:
      Tel.: 2302 0068
      Whatsapp: 5112 0274
      WeChat: Teenskey_USD

      刪除
  61. 你好,我想問下,我4月17號同男朋友發生關係,之後即日食事後丸,4月22號黎左m。但我地係5月1日沖涼個陣,佢入左個頭一下,之後我好痛,企返起身,佢冇射,但今個月以家都仲未黎m,我係今個月23號用過驗孕棒,呈陰性,之後25號睇過中醫,佢把脈,都話冇,但到今日都仲未黎,有d驚

    回覆刪除
  62. 我唔知自己會5會系流產定系嚟m..
    我上個月15號嚟,之後喺520 有性行為,個時系m尾,未清得哂,但有內射。到宜個星期,持續左幾日,無端端有d啡色物體,似系m頭一兩日個種,但我計落早左成兩個星期。究竟系嚟m定有左嘅徵兆?
    我同我老公都有心理準備的,但都想清楚究竟呢個系咩嘅情況?

    回覆刪除
    回覆
    1. 想問下你驗左孕未?要知道有沒有流產,首先要確認左你有無懷孕先。建議你都買驗柔棒或者去診所診左先,即使你懷孕,就算流少少血, 都未必一定係流產, 可能仲係懷緊孕。

      刪除
  63. 你好,請問有帶套並外射懷孕機會高嗎?

    回覆刪除
    回覆
    1. 有正確使用安全套懷孕 機會係唔高既,不過帶套外射須視乎外射位置。若於陰道口附近外射,精液有機會流入陰道內引致懷孕。如果都好擔心,建議你要去驗孕呀

      刪除
  64. 我在20/5有性行為,帶套外射並有入水檢查沒有穿,
    我的經期應在9/6,但到現在還沒有,請問有機會嗎?

    回覆刪除
    回覆
    1. Hi, 正確地使用安全套係可以好有效咁避孕。你唔洗咁擔心先,因為情緒壓力都會影響經期延遲。你宜家都可以去藥房或者個人護理連所店買驗孕棒驗。如果再有問題,都可以揾我地~

      刪除
  65. 你好 如果男方手指掂過射精前嘅分泌物隔左几分鐘之後再掂到女方私處(手指冇插哂入去)會唔會大肚?我本身有食開Diane 35醫acne,停食个7日佢有尼m,咁有尼m係米即係冇大肚?唔該你thanks

    回覆刪除
    回覆
    1. 大部分精子接觸到空氣都會死亡, 只有少部分既精子會生存。
      如果你本身有定時食開避孕丸的話, 所以你懷孕既機會好低。
      如果你真係好擔心, 我建議你可以係性行為後最少7-14日驗孕, 可以確定一下自己有冇懷孕。
      有問題可以聯絡我地, 電話:2302 0068 / Whatsapp: 6172 8113。

      刪除
    2. 咁請問你地邊到有提供驗孕棒架?thanks!

      刪除
    3. 我地中心有免費驗孕, 你可以打電話或者Whatsapp俾我地預約。
      電話: 2302 0068 / Whatsapp: 6172 8113。

      刪除
  66. 你好 我上個月5月9日黎m 到依家今個月都未黎 期間都有性行為 每一次性行為全程都有用安全套 今日用左第2次排尿去驗 驗到係未懷孕 咁我有無可能中獎? P.s. 我經期平時吾準

    回覆刪除
    回覆
    1. 如果你係性行為後7-14日驗孕, 又跟足指示的話, 結果顯示冇懷孕就應該真係冇懷孕, 所以唔洗擔心。
      因為我地既情緒、心情都會影響經期延遲, 所以你放鬆啲, 去做下運動, 有充足既休息, 健康飲食, 經期就自然會黎架啦!
      有任何問題, 你可以聯絡我地, 電話: 2302 0068 / Whatsapp: 6172 8113。

      刪除
    2. 我本身應該6月25日要黎月經,但現在7月3日還未來,琴日仲要有小小啡色分秘物,我應該點做?

      刪除
    3. HALO, 想問下你之前有冇發生過性行為?有冇用避孕方法?如果無避孕的話就要睇返你係幾時發生性行為, 計劃7-10 日內都可以驗孕。如果驗左冇的話, 就可能係其他問題令到你月經遲左, 例如壓力或者身體唔舒服,可以去醫生度檢查一下。

      刪除
  67. 你好…
    我想問如果有帶套先發生性行為
    仲要係外射之後檢查個套都冇穿…懷孕機率係咪會好低?
    同埋我想問…根據上面講既情況
    做完但之後果幾日個肚都一直係到漲…會唔會係有左?

    回覆刪除
    回覆
    1. 你好,
      如果有正確使用安全套,懷孕機會不大。而且就算懷孕,都唔會發生完性行為之後立即會感到肚漲,所以你唔使太擔心。如果你都係擔心的話,建議你可以於性行為後7-10 日用驗孕棒檢查。

      我地中心有免費驗孕, 你可以打電話或者Whatsapp俾我地預約。
      電話: 2302 0068 / Whatsapp: 6172 8113。

      刪除
  68. 男朋友佢冇戴套 冇插入到換言之冇內射 佢冇係岀面射 只係係岀面吉下吉下之後我見到佢有透明嘅分泌物 唔係白色嘅 本身我自己13号嚟 今日8号有搞過 雖然未夠時間嚟m 我胸有脹痛 但係我覺得應該係m嚟所以先痛 我又成日好攰同自己分泌物係黃色 呢d又係嚟m嘅跡象 會唔會有咗? 好擔心

    回覆刪除
    回覆
    1. 你好, 只要性行為無做安全措施, 就算無內射, 都有可能會懷孕, 包括你見到一啲分泌物, 雖然唔係射精, 但入面都會有精子,都有可能會令你懷孕。如果你怕今日發生性行為會有BB, 會唔會考慮去診所度攞事後丸先?另外,如果你擔心自己係已經有左,你都可以去萬 寧買枝驗孕棒就驗到嫁喇。
      我地中心有免費驗孕, 你可以打電話或者Whatsapp俾我地預約。
      電話: 2302 0068 / Whatsapp: 6172 8113。

      刪除
    2. 咩情況下先會有bb

      刪除
    3. 其實嚟m同有咗嘅跡象好似 想問點分?胸漲同啡色分泌物同攰其實嚟m都會

      刪除
    4. 係呀, 所以建議你唔好用跡象分喇, 個個人唔同, 有啲人有分泌物, 有啲人有左成兩, 三個月先嘔,用返驗孕棒驗就最好。

      刪除
  69. 你好, 我上兩個月有同男朋友發生性行為,有套內射,事前同事後都有檢查到個套都冇穿, 不過月經比上個月遲左兩個星期,而且係咖啡色既物質同埋量少,而持續時間同經期差唔多,有七日, 所以都有買驗孕棒CHECK,結果係冇, 到左上個月,又有咖啡色物質,時間都係一樣, 到左今個又係呢D, 其實會唔會係假M... 不過我一直都係月經不調, 定係都係驗多次先?

    回覆刪除
    回覆
    1. 如果已經用驗孕棒檢查左,就應該無問題,不過都要留意你除左上兩個月之外,中間仲有冇發生性行為?另外,穩陣起見,你都可以去診所驗一次,大概百幾蚊,如果都無,就只剩下月經失調既可能,都好有可以同你既壓力或者其他身體狀況有關,啲樣嘢就直接問醫生或者做檢查會更好喇。

      刪除
  70. 你好。我5月7-12日有正常經期。
    5月22號同男友有性行為,23號食左事後丸,29號再黎M(應該係事後丸作用)。
    7月5號有驗過,顯示無懷孕,但到現在都未黎M。這是身體出現問題定事後丸影響,算唔算唔正常?

    回覆刪除
    回覆
    1. 對,事後丸係會令到你經期亂左,暫時又唔算遲太多,你唔使太擔心住,盡量放鬆一啲,等月經到。假如再多一至兩個星期月經都未到,先再去醫生度問都OKAY。

      刪除
    2. 如果睇醫生,係咪普通診所都得?

      刪除
    3. 如果驗孕就普通診所都得,如果你想問經期亂左既話就睇返婦科好啲,最好有超聲波照嗰種,你可以睇之前打電話去問一問

      刪除
  71. 你好
    我想問下 如果男方隻手指掂過射精前嘅分泌物之後再掂到女方私處(手指冇插入去只在面頭但不停地chok)會唔會大肚? 女方已經遲泥m 5日了 仲係處女泥。 應該點做。

    回覆刪除
    回覆
    1. 如果無插入懷孕機會又好細, 有時候遲黎m 都仲有好多原因,例如身體唔舒服, 太大壓力都有可能會令月經遲左。但係如果你地都太擔心, 建議你可以驗左孕先, 可以去萬寧買或者問我地攞都可以。

      刪除
  72. 我同我男朋友咁岩做完岩岩好黎m,做左幾下就黎左m啦(我地有用domdom架!)之後就停止左做落去。完左一個星期無點流血,又做多次,都有帶domdom架,過左3個星期後fd離開左香港旅遊,我就無工作狂上身暴食同訓,突然見到小肚腩突左出黎,我就開始驚。而且尼幾個有肚痛同便秘,個肚成日咕嚕嚕叫,去次所得多左(我指小便)
    我驚去藥店買避孕棒,請問你地地址係邊?😂
    可能我工作厄力大左,多心之類,同埋幫我分析下有bb

    回覆刪除
  73. 你好,
    我同男朋友愛愛都會係黎m前一日同埋黎完m之後兩先致做!
    黎完m就做左一次啦,過左3個星期,男朋友去左旅行。我就工作狂上身,暴食同訓。我少留意身體變化,見到有肚腩突左出黎軟綿綿��,之後我就諗緊(m完兩日帶domdom做都會中召!?)唔會呀麻。。。好驚。。
    加上尼幾排有便秘同肚痛,個肚搞下搞下,個肚成日叫,好似好多氣咁,小便多左TAT
    我唔敢去藥店買避孕棒。。……T_T我18啦,我睇落好細粒。。。
    請問你地有冇地址。。。睇到會派避孕棒,你知啦香港人好多嘴TAT,同埋幫我分析下求安心。。。
    要點先搵到你地? (有做足安全架!用0.2鋼本)

    回覆刪除
  74. Hi 我同我男朋友21/7做過,有用安全套,其間一射完就換套,做完檢查過comdom盛載住嘅精液冇漏冇穿,咁我想問懷孕嘅機會係咪好微?
    我本身經期唔準,依家距離上次黎m已經有一個月(5/7黎)都仲未黎m,咁其實我使唔使擔心咁多?有bb ge機會係咪好微架咋?我晚晚訓覺都好似杞人憂天咁

    回覆刪除
    回覆
    1. 如果有正確使安全套,意外懷孕既機會其實唔高,而月經遲黎既原因都有好多,生理同心理都會有影響,如果你擔心,建議你可以驗左孕先

      刪除
    2. 你都可以去萬 寧買枝驗孕棒就驗到嫁喇。
      我地中心有免費驗孕, 你可以打電話或者Whatsapp俾我地預約。
      電話: 2302 0068 / Whatsapp: 6172 8113。

      刪除
  75. 你好
    我月經好唔正常 唔知係咪食得事後多(以前)
    我上年9月黎左 之後就到12月 再之後就係4月先黎
    話說我6月同我男朋友做左兩次(兩次都有用安全套)
    佢話無穿同漏 因為我唔太識睇
    除左6月果兩次之外我就無做過喇
    但係月經同而家都未到
    我8月5日跑去左惠康買左枝驗孕棒
    結果係1條線 顯示無bb
    咁我係咪就安全呢?
    我月經又未到所以好緊張

    回覆刪除
    回覆
    1. 至於意外懷孕方面,如果你有用安全套, 同時又已驗左驗, 有左既機會其實唔大, 如果你太擔心, 你都可以普通診所驗多次/ 買多枝驗孕棒驗。
      不過你月經咁唔穩定,其實都要睇一睇醫生, 做一下檢查, 如果無咩大問題, 你可以順便問埋醫生你適唔適合食避孕丸,因為一來可以更加安全避孕, 二來可以令你月經穩定一啲。
      另外, 你都放鬆少少喇, 心理壓力都會影響月經嫁。

      刪除
    2. 姐係仍然有機會懷孕?

      刪除
  76. 你好 我7月18至24號尼m
    不過每月都唔準
    8月1同男友隔住底底磨((佢有着我冇
    磨個陣我feel到佢條底濕濕地
    係咪分秘物尼 人地話分秘物都會有少量嘅精
    仲未尼m所以好擔心

    回覆刪除
  77. 你好 我7月18至24號尼m
    不過每月都唔準
    8月1同男友隔住底底磨((佢有着我冇
    磨個陣我feel到佢條底濕濕地
    係咪分秘物尼 人地話分秘物都會有少量嘅精
    仲未尼m所以好擔心

    回覆刪除
    回覆
    1. 你好!
      如妳所言, 分泌物確實含有少量精子, 有可能導致懷孕
      但以妳的情況, 兩人有隔著內褲, 懷孕的機會不大, 但為保心安, 妳可以驗孕以確定是否懷孕。
      青躍有提供免費驗孕服務, 妳可以打電話或者Whatsapp預約
      電話: 23020068/ Whatsapp: 61728113。

      刪除
  78. 你好 黎m第五日 男友內射左 會有事嗎?thxx!!

    回覆刪除
    回覆
    1. 你好!就算黎m都會有機會懷孕,你宜家可以去診所諮詢醫生嘅意見,這情況要唔要處方緊急避孕藥。如果再有問題嘅話,都可以再問我們,電話2302 0068。

      刪除
    2. 你好!就算黎m都會有機會懷孕,你宜家可以去診所諮詢醫生嘅意見,這情況要唔要處方緊急避孕藥。如果再有問題嘅話,都可以再問我們,電話2302 0068。

      刪除
  79. 我女友已經一個月沒有黎,但她只是覺得胃漲和有胃氣,而有小量經血加白帶是呈啡血色,我不知她是否懷孕

    回覆刪除
    回覆
    1. 您好! 你應該盡快叫你女朋友去驗孕, 佢可以自行買驗孕棒, 或者去診所搵醫生驗孕, 或者打黎我地中心免費驗孕。如果再有問題或者有需要預約免費驗孕, 可以聯絡我地, 電話: 2302 0068 / Whatsapp: 5112 0274 / Wechat: Teenskey_USD。

      刪除
  80. 你好
    我想問如果我同男朋友係m黎前同黎緊m個時啪過.但每次都有帶安全套..之後依家仲未黎m 我會唔會有左bb?

    回覆刪除
    回覆
    1. 您好! 如果你同男朋友有正確使用安全套, 同事後都有檢查安全套沒有穿的話, 其實你懷孕的機會很微。現在你經期遲黎, 你擔心會懷孕, 你應該要去驗孕確定自己是否懷孕。你可以自行買驗孕棒, 或者去診所搵醫生驗孕, 或者打黎我地中心免費驗孕。
      如果再有問題或者有需要預約免費驗孕, 可以聯絡我地, 電話: 2302 0068 / Whatsapp: 5112 0274 / Wechat: Teenskey_USD。

      刪除
  81. 上個月15號黎第1日,今個月4號同6號都有做 都有用安全套 亦都用水檢查清楚無穿無爛 正常遲黎左9日跟據記錄 ,早2日驗晨尿都-ve 壓力最近比較大 以往都有遲咁多 但呢幾個月都平均31天 懷孕機會還有嗎?

    回覆刪除
    回覆
    1. 你好呀! 你同男朋友有正確使用安全套, 而且沒有穿的話, 同埋你驗左孕都係-ve, 其實你懷孕既機會都很微。壓力情緒會影響經期, 你可以做下運動或者自己鐘意既野放鬆下情緒呀。
      如果再有問題或者有需要預約免費驗孕, 可以聯絡我地, 電話: 2302 0068 / Whatsapp: 5112 0274 / Wechat: Teenskey_USD。

      刪除
    2. 10月4日跟男朋友在危險期無做任何安全措施進行性行為,男朋友平常射精都沒有任何分泌物,同時沒有體內射精。事後50多小時內到家計會使用事後丸(黃體激素受體劑),想問多少天會黎m,同懷孕機會高嗎?

      刪除
  82. 想問10月4日跟男朋友沒有用套進行性行為(危險期,體外射精,男朋友平常在射精前都是沒有任何分泌物),其後10月6日(72小時內)到家計會食事後丸,想問懷孕機會高?

    回覆刪除
    回覆
    1. 體外射精也是高風險的性行為。即使沒有在陰道內射精,陰莖在射精前其實已有少量部份不易察覺的分泌物。所以在進行性行為時必須使用安全套,才可避免懷孕的機會。

      另外,在發生不安全性行為72小時內服食事後丸,確實能有效防些懷孕。若果仍然擔心的話,可在發生性行為後14天,在一般藥房自行購買驗孕棒檢查亦可。

      如果你擔心自己會懷孕, 你應該要去驗孕確定自己是否懷孕。你可以選擇自行買驗孕棒, 或者去診所搵醫生驗孕, 又或者打黎我地中心免費驗孕。如果再有問題或者有需要預約免費驗孕, 可以聯絡我地, 電話: 2302 0068 / Whatsapp: 5112 0274 / Wechat: Teenskey_USD。

      刪除
  83. 我想問我同我男友發生左性行為,
    但系佢冇帶套同埋外射,
    同埋最近我個腹部一時時有啲痛。
    會吾會系就快黎m?
    定系會有左?

    回覆刪除
    回覆
    1. 要判斷有冇BB首先要知道你嗰次性行為係幾時,因為驗係需要離性行為起碼7-10日先會驗到嫁。 如果已經夠7-10日,你可以你可以選擇自行買驗孕棒, 或者去診所搵醫生驗孕, 又或者打黎我地中心免費驗孕。


      如果再有問題或者有需要預約免費驗孕, 可以聯絡我地, 電話: 2302 0068 / Whatsapp: 5112 0274 / Wechat: Teenskey_USD。

      刪除
  84. 你好 我想下問 我同男朋友係上個月尾咩過 有用套 但係用之前入左幾分鐘 不過我地成日都係咁 都冇事 我m期一時時準 我經常夜訓 成日都唔夠休息 今個月m期好似唔準咁 因為都有個幾星期冇黎 我地有少少擔心 所以前幾日我地就買左枝棒test 結果係冇事 但到今日都仲未黎 我冇咩懷孕徵兆 只係有少少嘔心頭暈既感覺 唔知係咪依排休息唔夠定食冇定時/食得過飽/食左好多熱氣野

    回覆刪除
    回覆
    1. 如果月經遲左,都仲有好多原因,例如壓力或者其他身體狀況,如果你遲左幾個星期,最好都好婦科診所檢查一下,因為怕有其他問題。

      至於懷孕方面,你如果都擔心,可以驗多一次。

      刪除
  85. Hello, 我上個月姐係9月4號食過事後丸 係16號就嚟m 跟住係9月19號同10月16號都有進行性行為但就有用安全套嘅 呢幾日個胸有痛有啡色嘅分泌似係就嚟m咁但已經遲咗好似差唔多一星期 我想問係咪因為事後丸嘅問題定係有機會會懷孕?

    回覆刪除
    回覆
    1. 左事後丸係有可能引致經期亂,但每個人特質可能會有唔同,加上除左事後丸,仲有好多因素會影響月經,例如緊張,壓力大,所以最好詢問醫生。

      此外, 雖然有使用安全套, 但如果擔心的話,可以去藥房購買驗孕棒 / 去診所醫生/ 聯絡我地職員(tel: 2302 0068) 預約驗孕檢查 (在發生性行為後14日較準確).

      刪除
  86. 你好!我同男朋友29/9發生左性行為,全程有用安全套,事後我冇檢查,但清楚見到套入有精液,男朋友打結掉左,應該冇漏。加遲左5日未黎M,有d肚漲同胸漲。我以前經期吾準,今年算準返d。所以有d擔心同壓力,應該過2日買驗孕棒?

    回覆刪除
    回覆
    1. 您好! 你應該要盡快驗孕, 確定一下自己有冇懷孕。一般驗孕可在性行為後最少7-10日, 所以你現在就可以驗孕。你可以到診所驗孕 / 自行買驗孕棒 / 聯絡我們預約免費驗孕服務。青躍Teen's Key的聯絡方法是, 電話: 23020068 / Whatsapp: 5112 0274 / 6172 8113。

      刪除
    2. 岩岩驗完,呈陰性反應,應該點做?

      刪除
    3. 如果係無,咁你就放鬆少少,放息多啲,等月經黎喇。如果過多一個星期都唔黎,你再考慮去婦科診所檢查一下,以防係有其他身體唔舒服呀

      刪除
  87. 你好 我同男朋友22/10發生左性行為 冇帶套 到左今日仲未黎m 而家成日都好攰又肚痛 會唔會有左bb?

    回覆刪除
    回覆
    1. HALO, 無用安全套的確會有懷孕,但係都要睇下你月經遲左幾耐?建議你都係去左驗孕先,同埋快啲呀,唔好拖太耐,你可以到診所驗孕 / 自行買驗孕棒 / 聯絡我們預約免費驗孕服務。青躍Teen's Key的聯絡方法是, 電話: 23020068 / Whatsapp: 5112 0274 / 6172 8113。

      刪除
    2. 岩岩驗完,呈陰性反應 係咪冇bb

      刪除
    3. 我唔知點解仲係好驚>< 明明驗左話係陰性

      刪除
    4. 明白既,始終未黎M都會緊張一啲,但係你都放鬆少少,因為越緊張,月經就有機會越遲黎。 如果你都係好擔心,你會唔會上黎我地中心驗多一次?

      刪除
  88. 我8月尾同男朋友有性行為
    有帶套 但過左2個月都係未尼m
    驗左2次 都係陰性
    咁我可以點樣做
    我驚左2個月la:(((((

    回覆刪除
    回覆
    1. HALO , 你好,如果你已經驗左兩次應該唔使太擔心,如果你仲係好驚會唔會考慮去診所驗多次?等自己都安心一啲

      刪除
  89. 你好
    我本身黎m係11月4號已經完咗
    我同男朋友係11月7號 佢隻手好似掂到啲精 但應該乾咗佢之後用隻手插入我下面
    我想問下會唔會有咗
    其實距離黎m仲有一個星期
    但係我已經驚定
    但係我聽人講太大壓力先會黎唔到
    其實前個幾月都試過咁 但最後都黎咗m
    但係今次真係超驚

    回覆刪除
    回覆
    1. 有左既機會唔係好大,但始終都會有,如果你真係好驚,其實都有一個方法,就係快啲驗左孕先,你11月7號發生性行為,如果有,今日都應該驗到。驗左無的話咪放心啲,唔使咁驚囉~

      刪除
  90. 你好呀
    我幾個月經期都應該算準 都係2627號到黎
    之係係11月5同26都有同男朋友有性行為 全程有帶安全套 而且男朋友係超級小心嘅 出液體又會抹好又洗手
    但係到宜家12.1都未黎 搞到我地好擔心
    另外仲禁啱埋尿道炎 今日見左醫生食左藥 問佢會唔尿道炎關遲黎事 又話唔會 但我上網睇到有人遲左成個月。
    我明明都有m痛谷下錦 宜家胸都係漲左又痛 同就黎m一樣 但係睇又話開頭有左又會錦 成日覺得個肚大左 點算啊好擔心

    回覆刪除
    回覆
    1. 在進行性行為時已戴上安全套,懷孕機會率應該相當低。至於遲遲未有月經,大抵可能是因為心情緊張所致。不用太擔心。

      若果仍然擔心的話,可以過多一星期左右去買枝驗孕棒驗。唔好諗太多住,緊張都可能會令你月經再遲嫁

      刪除
  91. 你好呀,我11月1日黎左M 4日左右,
    跟住11月12號又黎多次M,不過就無M痛同埋流量都少,維持左3-4日左右,上網睇過話係排卵性出血,不過唔知係咪,
    睇apps話係15號排卵,16號同男朋友做左一陣先記得係危險期之後就無做,無帶到套,問番佢話未有射既感覺
    27號番工後睇演唱會18個鐘無訓無食到野,唔知會唔會就咁簡單影響到,29號要黎M但係到依家都未黎,好驚會有BB,同佢29號擔心到而家,頭痛到死

    回覆刪除
    回覆
    1. HALO, 你好,男性即使未有射精,喺性行為過程都會有一啲分泌,都會有少量精液喺入面,所以都有可能導致懷孕。
      而家你可以做既係購買驗孕棒檢查或者去睇醫生驗,千祈唔好拖,因為越早知越好。如果有需要,聯絡我地預約免費驗孕服務,電話23020068 / Whatsapp: 51120274。

      刪除
  92. 你好呀
    我幾個月經期都算準,最多早一,兩日,但係未試過遲黎,
    我本身11月1號黎左4日左右,12號無啦啦又黎多次,之前都未試過
    ,不過無M痛同埋流量都少,持續左3,4日,睇番個apps我15號排卵,
    上網check過話係排卵性出血但唔知係咪,
    16號同男朋友做左一陣先記得係危險期所以無做落去,
    佢都無射既感覺,應該唔會有分秘物排出掛,
    而27號果日番完工去睇演唱會,有成18個鐘無訓同無乜點食野
    本身我應該係29號黎M既,但係到左今日都仲未有
    想問我黎第二次M係咩事,亦都好驚有左BB,可以準快回答我嗎?

    回覆刪除
    回覆
    1. 你好呀,你係咪上面同一個人?FEEL 到你好擔心,但係深呼吸先,你要拿拿聲去驗左孕先呀

      刪除