[真相]不是每次「事後」都能吃「事後避孕丸」﹗

CC︰「我每一次與客人交易都好「安全」﹗」
青躍職員︰「真係？點安全呀？」
CC︰「我每一次完事後都會食「事後避孕丸」﹗一定冇事喇﹗」

大家有沒有發現以上對話出現咩問題呢？
聰明既你應該知道，
「事後避孕丸」唔應該係每一次「事後」都服用，
亦沒有預防性病的功效。

緊急避孕丸 vs 事後避孕丸

其實由1996年起，國際間已將「事後避孕丸」改名為「緊急避孕丸」，以表示應該是「緊急」的情況下先可以服用，例如被強姦、安全套破裂等。

緊急避孕丸原理為以高劑量既女性荷爾蒙，干擾受精過程，或阻止受精卵著床，但必須在72小時內服用。當中的副作用包括嘔心、頭痛、乳房賬痛等，更有人服用後會嘔吐，但如果出現嘔吐，就必須再次服用，否則就不能達到事後避孕的效果。

為什麽「緊急避孕丸」不能每次都食？
有婦科醫生提醒「緊急避孕丸」如果吃太多，由於「緊急避孕丸」會干擾體內河爾蒙分泌，可
能會傷害身體，更有可能會引致不孕﹗﹗﹗

另外，由於「緊急避孕丸」有抑制子宮內膜增生的功能，曾有一位女性於一個月內吃了近二十次「緊急避孕丸」，幾乎每次事後都會食，最後令到子宮內膜變薄既後遺症，醫生更表示如果繼續不斷服用便很有可以引至不孕。

曾經有女孩子會答應男方要求，不用安全套發生性行為，完事後就以「緊急避孕丸」當作固定既避孕方法。睇完上面既你當然知道係錯錯錯﹗ 唔單止對身體做成傷害，更可能會因無做安全措施而感染性病 ~!


所以，最安全既做法梗係要求男方戴返個安全套，大家都安心啲呀~~


部分資料來源︰大紀元日報 「事後避孕丸吃太多 可能會引致不孕」http://www.epochtimes.com/b5/5/3/31/n872420.htm

青躍提提你~!
想檢查自己有否感染性病，或驗孕，可聯絡我們 (2302 0068/ msn: bowie.zt@hotmail.com)
我們提供免費的性病快速測試(資料絕對保密)，以及免費驗孕服務。