CC都可以報警求助？

~當然可以~

  好多CC都會有以下既感覺...
「報警？件事都發生左啦...報警都補唔返，仲報黎做咩？﹗」
「我報警咪會俾人知我做CC？唔制﹗」
「做CC報警咪會比人拉？」

其實CC出事，已經好唔開心，仲要擔心埋報警對自己既影響，真係...
但係﹗一日唔報警，犯人就會繼續傷害其他CC，
甚至令其他人誤以為CC係好欺負﹗


其實只要認識報案程序，以及保障自己身份、私隱既方法，
根本就唔需要擔心以上既嘢﹗

在哪裏報警？
最理想是即場打999報案，
或到最接近罪案發生既警署報警。
例如，A上網認識一男子，然後相約到荃灣食飯，再去旺角開房，但
在過程中，如果個男仔夾硬唔用安全套，A就可以立即打999報警。當然，如果現場不能報警，或事後才想報警，亦可到最近現場，即旺角警署報案。

如何報警？
999 --> 警察會到現場處理，有需要會請報案人及疑犯回警署落口供，如疑犯逃去的話，警員有可能會通緝疑人。

警署報案-->任何市民都可以自行到警署報案室報案，當值警員會跟據簡單案情，分類給其他警員處理，如覺得案情敏感，可向當值報員要求由女警處理。

### 報案人可要求其他人陪同落口供 ###

我怎樣保障自己私隱？
落口供既時候，報案人係需要填寫手提電話、屋企電話、住址等資料，
以便警員之後聯絡事主。
但如果你唔想留的話，警員係唔會逼你，
只要你留一個聯絡到你既電話及通訊地址就可以。

記住﹗警方係有責任保障市民既個人私隱，所以正常情況底下，佢係唔會同你屋企人講你因咩事報警。


做CC去報警會唔會俾人拉？
唔會。
如果CC唔係agent、亦無喺公眾向他人講自己有咩服務，又冇犯其他法例，
CC係受害人，警方會就CC受害既案件作調查。

記住﹗

有咩事都唔好自己屈住，認為自己應該獨自承受。

做錯事嗰個係個犯人﹗而唔係CC﹗

如想問詳細資料，可send e-mail 到 bowie.zt@gmail.com
或者致電 2302 0068