聖誕新年知多D~ 犯法？環保吹？偷拍？

Hello~青躍首先祝大家聖誕+新年快樂!!

相信聖誕好多CC同BRO都會認識新朋友，雖然冇法律係針對「援交」，但係都要留意，某些情況下，原來可能犯左法都唔知﹗

另外，我地收集了不少CC或BRO們熱門詢問既問題，除左法律，仲有性健康等等，我地都放出黎問下大家~~ 當然會有答案喇~ 回覆就見到喇

問題一
CC與BRO相約於地鐵站相見，見面後，CC同BRO講︰「俾左錢先上房交易，千二蚊。」，但BRO以「唔啱口味」為理由，俾左車錢然後離去。CC與BRO並沒有交易，到底CC有沒有犯到法呢？

問題二
「環保吹」(不使用安全套口交)究竟會唔會傳染性病？

問題三
不少CC都遇到被偷拍問題，包括記者、BRO，究竟有冇辦法預防？


答案篇



答案一
雖然例子入面既CC同BRO沒有完成交易，而暫時又沒有法律直接指明從事援交是犯法，但於公眾地方主動向有可能成為客人的人提及金額及性服務，就已經觸犯了刑事條例第147條「為不道德目的唆使他人」

答案二
好多人會覺得唔戴安全套口交唔會「中招」，其實係錯﹗錯﹗錯﹗ 因為口腔內黏膜係非常之薄，所以好容易會整損。試諗下，你熱氣既時候都會生痱滋，刷牙都可能會流牙血，即係有時口腔內有傷口你都可能會唔覺。

由於有體染交換，所以仍然有機會感染性病，例如淋病、疱疹、愛滋病等等。當然，感染機會未必與陰道交或肛交一樣，但仍然有機會﹗﹗﹗所以就衡量下喇~

建議︰一般強調「超滑」的安全套潤滑劑較多，唔想成口油，其實可以揀選乾一點的，另外，情趣用品店都有出售口交專用的安全套，亦可以考慮一下。


答案三
最基本當然係唔好上門，去人地屋企你無辦法檢查所有角落有沒有攝影器材，另外就是建議大家將財物(袋、外套等等)放置於櫃入面。

其實仲有好多好多其他預防既技巧，但係就唔方便o係度講太多，
如果想知多啲，又或者有其他疑問，就聯絡我地喇。


青躍熱線︰2302 0068